الشر من شرارة

القصة مش بس رسوم تراخيص. و نصف دينار لجرة الغاز ،،، القصة مش اليوم بس ،، القصة حكومات بتعيش هي والمركز الأمني السياسي الحاكم ،،حالة إنكار باحتراف ،،ولا تحترم الشعب ،،اقلكم مش شايفينو ،،اصل الحكاية ،،تطاول المسؤولين على قوت الناس وكرامة الناس ومواطنة ،،،الناس ،،،
نفخوا رأس الناس في الاشهر الماضية ،،بالحديث عن الإصلاح،،قانون انتخابات،،اللامركزية،،قانون احزاب،،قانون ضريبة،،بلديات،،امن وأمان،،خطر تيارات ظلامية تهدد البلد ،،الاقصى والمقدسات و مشروع يهودية الدولة ،،،،،،الخ
رغم محدودية ما يقترح من اصلاح ،،وبنرجع إلى اصل الحكاية والرواية ،،الناس عيشتها طين ،،الاسعار منفلته من عقالها،،شغل ما في ،،غالبية الفئات المتوسطة والصغيرة تتنازل عن بعض من كراماتها من أجل لقمة عيشها وعيش اهاليها ،،،
أما الفئات الفقيرة والمهمشة فليس لديها ما تخسره
بالمقابل صمت الناس مش لأنها مش عارفة أو مش شايفة ،،،
توزيع الاعطيات وتعينين الاقارب ،،حيث الانتخابات قادمة،،وعارفين بالوعي المستتر الناس ،،انه المشاريع التي يجري الترويج لها لخدمة الميزانية ومالية الدولة …هون بحب اطمنكم الناس عارفه ،،هناك مليونيرية جداد وتركيز للثروة عند البعض الآخر .واذا الممر الاخضر لشبكات الكهرباء ..يتم تزويدها بالكهرباء المولدة،،لكن الأخطر ،،حسابات الطغمة المالية في تزايد..يعني فتشوا بمختلف المشاريع الاستثمارية ..اذا دخل قرش ربحا صافيا في خزينة الدولة،،،دخل جعبتهم عشرة ،،،
الله يعينك يا وطن ،،إيش تحملت ،،ولما يحسب أي مركز ومتنفذ بالدولة ثروة الطغمة المالية المستجدة ..اكيد رح يخرج بنتيجة انه الاردن دولة مالية عظمى بهذا المجال ..من نظرة واحدة لكشف المليونيره..
يا سادة يا كرام ،،اللي بدو برنامج الاصلاح المحدود والمتدرج حسب كلامهم يمشي ،،وبدو يواجه أزمة الفقر والجوع والبطالة ،،،وبدو يواجه التيارات الظلامية الدموية،،وبدو يدافع عن الولاية على المقدسات،،،الخ،،
نعم اللي بدو ذلك لا ينفخ راسنا بمقولة الأمن والأمان ،،ويعامل الشعب بعدم احنرام ،،وأن تكون الحالة التي يعيشها ،حالة إنكار ،،الهم احمي الاردن
نعم يا سادة يا كرام
الشرر من شرارة ،،،شعبنا طيب ،،يسامح مرة ومرات ،،بس مش كرمالكم،،كرمال الوطن