حرب كلامية بين زينة وريهام سعيد

هاجمت الفنانة المصرية زينة، الإعلامية ريهام سعيد بعد حلقتها الأخيرة التي أهانت وسخرت فيها من أصحاب الوزن الزائد وأشارت إلى أنهم عبء كبير على الدولة وأجسامهم مجرد سموم.

قالت زينة تعقيباً على فيديو الفنانة إنجي وجدان الذي بثّته عبر صفحتها قائلة: “والله ما في عبء على الدولة غيرها بتقل دمها برخصها وكذبها مدعية المرض. مريضة عمليات التجميل… بتتريق على الغلابة اللي بيلبسوا عبايات وإسدال، رخيصة أنا مش فاهمة ليه تبقى موجودة واحده زي دي أساساً منتهى عدم الاحترافية وقلة الأدب والتنمّر. فاضل تعمل إيه تاني علشان تمشي تشتم الناس بالأم والأب”.

ولكنها سرعان ما حذفته خوفاً من هجوم محبي الإعلامية عبر مواقع التواصل الاجتماعي ولكن المفاجأة كانت من ريهام سعيد التي نشرت تغريدة بدون إشارة لأي شخص ولكنها كانت موجهة بشكل كبير لزينة حيث قالت: “ولاد من غير نسب وجواز من غير عقد، ومخدرات وقرف كتير ولسه ليكي عين تتكلمي؟، أنا اللي موجودة إزاي؟، على الأقل أنا ليا لزمة بنشر الخير مش الفجور والافتراء على الناس… يبني والله أنت ربنا نجدك”.

من ناحية أخرى وجّهت ريهام سعيد، رسالة لأحمد حسن كابتن منتخب مصر السابق لكرة القدم، خلال فيديو نشرته، عبر صفحتها على “فايسبوك”، وردت ريهام على تصريحات أحمد ضدها، وأكدت أنه لم يشاهد برنامجها، ومن الأفضل أن يشجع والدته على إنقاص وزنها.

حيث قالت: “كابتن أحمد حسن مامتك زي القمر، ماحدش قال إنها مش زي القمر، واضح إن أنت كمان ما اتفرجتش على الحلقة، وزيطت مع الزيطة، وهيصت مع الهيصة، هي زي القمر، بس ممكن تبقى زي القمر أكتر لو خسّت، وهتبقى صحتها أحسن، ما ينفعش تشجعها على أنها تبقى تخينه، علشان الكولسترول، والشرايين، والضغط، ورجليها اللي مش هتقدر تمشي عليها لو هي فعلاً قادرة تمشي دلوقتي، وهي أكيد متضايقة إنها مليانة دلوقتي، وأكيد نفسها تقيل دلوقتي… اسألها كده إذا كنت أنا كدابة، هو ده اللي أنا كنت عايزة أغيره”.

وأضافت سعيد:” أنا ما قولتش حاجة عن التخان، وكل اللي بيتقال ده تأليف في تأليف وظلم في ظلم أنا مش راجعة تاني”.