أحمد سعد في مرمى نيران «السوشيال ميديا»

أعلنت مصممة الأزياء، علياء البسيوني، طلاقها من الفنان المصري أحمد سعد، مؤكدة أن قرار الانفصال كان قرار سعد وليس قرارها.

وكتبت علياء البسيوني، عبر خاصية «ستوري» على حسابها بإنستغرام: «الحمد لله على كل شيء، تم الطلاق بيني وبين أحمد من شوية بناءً على رغبته».

وأضافت: «حابة أشكر أحمد جدا على أصله غير الطيب، ومعدنه السيئ، وحابة أقوله شكرا على قرارك اللحظي الغير موفق في خراب بيتنا وتدمير أسرتنا الجميلة اللي أنا حقيقي تعبت فيها لوحدي تماما، وحاولت وعديت بمواقف مفيش حد في مكاني يقبلها عشان الأسرة دي وعشان المشوار اللي أنا ابتديته ومكنتش حابة إنه ينتهي».

وتابعت: «شكرا على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول بالساحل وخروجاته وبعدها شغلك،
أكبر شكر على المقلب اللي أنا أخدته في العلاقة دي واللي كنت فاهمة إن ليها قيمة ببني وبضحي وبتنازل عشانها وأنت طلعتها ولا تسوى».

واختتمت بالقول: «ربنا معايا أنا وبناتي في اللي جاي، وينتقم منك ويديلك على أد كل حاجة حصلت».

وأثار نبأ طلاق أحمد سعد وعلياء البسيوني، ضجة على منصات التواصل الاجتماعي.

كتب حساب باسم «سحر هشام» على منصة إكس: «أحمد سعد طلق زوجته.. طلع فعلا كلام سمية الخشاب صحيح».

وتساءلت: «هل الرجل ما يعرف يعمر بيت والبيت ما يقوم بالمرأة وتضحياتها فقط؟».

وكتبت داليا زغلول: «أحمد سعد ناقصه إيه عشان يبقي بني آدم سوي بجد؟».

وكتب حساب باسم «سلمى»: «أحمد سعد محتاج يعقل شوية ويفهم إن الحياة الأسرية مهمة».

وأضاف: «بستغرب اللي بيتجوزوه بيحبوه أوى كدا ليه».

وكتبت كارمينا: «مش شكر فيها، بس دي كانت تميمة الحظ لـ أحمد سعد حرفيا، بعد طلاقه منها هيكون من سيئ لأسوأ».

وأضافت: «فاكرين لما الملك فاروق تميمة الحظ ليه فريدة، طلقها عشان الولد، وفعلا خسر الملك، علياء كانت تميمة الحظ لأحمد سعد».

قناة الغد