تامر حسني يوجّه رسالة لجمهوره

نشر الفنان تامر حسني، عبر حسابه الرسمي في موقع “إنستغرام” فيديو من فيلم رسوم متحركة، يتناول فكرة مواجهة المستحيل، موجهاً من خلاله رسالة تحفيزية الى الشباب للإيمان بقدراتهم، مؤكداً أن الإيمان بالنفس والشعور بالدعم يمنحان الإنسان القدرة على تحقيق ما يبدو بعيد المنال.

وعلّق تامر على الفيديو قائلاً: “قد إيه ده فيديو عظيم، كلنا لما بنفكر ناخد خطوة للأمام أو خطوة جديدة للنجاح مش بنبقى عارفين هننجح ولا لأ، بس بنحسبها صح ونحضر لها صح مع الناس الصح في التوقيت الصح، هيبقى فاضل أهم حاجة وهي إيمانك بالخطوة وحبّك وشغفك الخارق ليها”.

وأوضح أن المشهد الذي يظهر فيه الطفل وكأنه يمشي في الهواء يرمز الى الأحلام المستحيلة التي يمكن أن تتحقق من خلال الثقة بالنفس، وليس للمشي على الهواء بمعناه الحَرفي”.

وتابع حسني حديثه محذّراً من الانشغال بالماضي إذ قال: “الأهم إن في ناس كتير تفكيرها في الماضي بيعطلها، على طول بتبص وراها وآديكوا شوفتوا لما الولد بص وراه وقع. الماضي عدّى خلاص، ومحدّش يقدر يمشي لقدام وهو باصص وراه، لازم يقع أو يخبط في حاجة تعطلّه”.

وأكد تامر حسني أن الحاضر هو مفتاح النجاح الحقيقي، قائلاً: “ركّز في الحاضر عشان ده بس اللي ملكك، وهو ده الوقت اللي لو حبيته هيحبك ويقف معاك ويساعدك تجري بأسرع ما يمكن… حب حاضرك رغم أي مشاكل فيه واتحدى صعوباته. خد حالاً أحلى قرار ينجحك، محدّش هينفعك غير مجهودك وسعيك ومتبصش وراك أرجوك… نهاركم كله خير”.