أمنيات الأردنيين على تويتر
بين الأمل والنقد الساخر؛ عبّر مغردون أردنيون عن آمالهم وتطلعاتهم لأمور يتمنون أن تحدث في الأردن، عبر وسم خاص على موقع “تويتر” “حمل اسم “#بتمنى_يصير_بالاردن”.
وتطرقت تعليقات المشاركين إلى مجالات مختلفة في الدولة، بدءا من تشكيل الحكومات، ومرورا بالاهتمام بقطاعات التعليم والصحة والبيئة والنقل، إلى جانب ضرورة الاهتمام بالأماكن العامة والسياحية، وانتهاء بتفاصيل جزئية كالمطبات في الشوارع واللباس.
ولم تخلُ المشاركات أيضا من حس الفكاهة في نقد بعد المظاهر السلبية والقضايا التي أثارت الرأي العام؛ مثل قضايا الفساد، وبعض المشاريع التي لم تكتمل بعد كأبراج السادس والباص السريع.
وتاليا أبرز المشاركات على هذا الوسم:
@mohammadzwahreh : شبكة مواصلات ترحمنا من تعب السواقة واﻷزمة وشوارع نظيفة وترتقي للخدمة #بتمنى_يصير_بالاردن
@Khaldounmajali : #بتمنى_يصير_بالاردن حكومة وطنية ذات ولاية عامة تحوز على ثقة الشارع واحترام المواطن تنهض بالبلد وليست حكومة محاسبين ظرائب
@mkhawaja : #بتمنى_يصير_بالاردن مدينة ملاهي زي العالم والناس!
@WHammouri : #بتمنى_يصير_بالاردن شوارع بدون مطبات
@Mr_Gatarneh : #بتمنى_يصير_بالاردن صراحة الوضع تمام مع الأمن والأمان والشعب مبسوط بعد ما قضينا عالفساد والشباب
@Deema22 : #بتمنى_يصير_بالاردن أقل عدد ممكن من العمال المغتربين #الاردن
@moumen_jack : #بتمنى_يصير_بالاردن مصاري الإمارات، نفط السعودية، غاز مصر، مزارع السودان، شط يافا، و نخيل بغداد، و ياسمين دمشق 🙂
@MaramQatarneh : #ﺑﺘﻤﻨﻰ_ﻳﺼﻴﺮ_ﺑﺎﻻﺭﺩﻥ يرجعو خدمة العلم مشان الله لأنو لو يرجع ابو جهل يدفن البنات رح يدفن كتير ذكور معو بالغلط !!!!
@israa05588475 : اهتمام من قلب و رب بالمناطق السياحية مش نبدا نهتم فيها لما يزورها مسؤول مهم او شخصية عالمية.. #بتمنى_يصير_بالاردن
@CozmoSam: #بتمنى_يصير_بالاردن نظام تعليمي جديد بدل هاي المسخرة !
@mfaouri90 : #بتمنى_يصير_بالاردن يطوروا القناة الاردنية، يجيبولها كاميرات محترمة يغيروا برنامج الميرمية اللي مغصنا وكادر المذيعين اللي من قد جدودي
@AQawaqneh : #بتمنى_يصير_بالاردن الشخص المناسب بالمكان المناسب بغض النظر عن عيلته او دينه او منطقته
@mohatay5 : #بتمنى_يصير_بالاردن تنتهي العنصرية بكافة اشكالها سواء بين ابناء الفخذ او العشيرة المدينة او فلسطيني اردني وهاي مدمريتنا بشكل او باخر
@tayfour_ahmad : #بتمنى_يصير_بالاردن الشباب يغضو بصرهم ، ويعتبرو بنات بلدهم خواتهم.
@1Dimaa : #بتمنى_يصير_بالاردن اللامركزية ، وتصير كل المحافظات على مستوى افتصادي واداري يوازي العاصمة
@baasseel :#بتمنى_يصير_بالاردن اهتمام بالاماكن العامة العقبة والبحرالميت لمتى راح يضل الانبساط للاغنياء حق الفقير ينبسط وما اكثر الفقراء في وطنا!
@steeve7ammad :يخلص مشروع ابراج السادس #بتمنى_يصير_بالاردن
@3omarqudah :#بتمنى_يصير_بالاردن ملعب سعته ٨٠ الف ليتحقق حلم المعلق العدوان